Chalo bataon konsi kahani sunaoge
Koi naee pesh hogi ya fir purane wali doharaoge
Kutch din shuru ke roj baatein hongi
Phir din lambe kam ke aur raatein ghar walo nn ke naam hongi

Woh najuk se pal jab dil dhadka tha
phir kisi diary mein likhe jayenge
Fir shayari se bhari hui kitabae
Labz dar labz bayan hongi

Koi shaam lambi si
Ek saath gujarengey
Kisi chaadani mein nahake sare
Tare kisi shaam gine jayenge

Kabhi tum khafa kabhi hum bhi 
Apna irada ajmayenge
Kahani adhuri rahegi ya
Puri karenge hum yeah dhoondne ki
Koshish mein lag jayenge


Kisi shaam phir wapas ghar ki yaad ayegi tumhe
Kisi shaam tum phir Ghar lot jaoge
Phir lambe din office mein gujarengey
Or choti raatonme bite din yaad aayenge